ئاگر لە كەمپێكی ئاوارەكان لە كەركووك كەوتەوە
K24 – ھەولێر
ئاگر لە كەمپێكی ئاوارەكان لە شاری كەركووك كەوتەوە و ژمارەیەك ئاوارە سووتان و تا ئێستاش ھۆكاری ئاگركەوتنەوەكە نەزانراوە.
پەیامنێرمان لە كەركووك رایگەیاند: "ئاگر لە كەمپی ئاوارەكانی یەحیاوە لە نزیك ناحیەی لەیلانی سەر بە پارێزگای كەركووك كەوتەوە و بەوھۆیەوە ژمارەیەك ئاوارە سووتاون".
گوتیشی: "زۆرینەی دانیشتووانی كەمپەكە لە نەتەوەی توركمانن و خەڵكی تەلەعفەرن و تا ئێستا ھۆكاری ئاگركەوتنەوەكەی ئەو كەمپە نەزانراوە".
پەیامنێرمان روونیكردەوە: "ھەشت خێمەی ئاوارەكان لە كەمپەكەدا سووتاون و تیمەكانی ئاگركوژێنەوە ئاگرەكەیان كۆنتڕۆڵ كردووە".
