به فه‌رمی، بارسێلۆنا یاریزانێكی ڤالێنسیای كڕی
بارسێلۆنا به‌شێوه‌یه‌كی فه‌رمی له‌سه‌ر پێگه‌ی یانه‌كه‌ی كڕینی پاكۆ ئه‌لكاسێری هێرشبه‌ری ڤالێنسیای راگه‌یاند.
بارسێلۆنا ئاشكرای كردووه كه ئه‌لكاسێر به بڕی 30 ملیۆن یۆرۆ بۆ ماوه‌ی 5 وه‌رز گواسترا‌وه‌ته‌وه و نرخی هه‌ڵوه‌شاندنه‌وه‌ی گرێبه‌سته‌كه‌شی به 100 ملیۆن یۆرۆ رێككه‌وتنی له‌سه‌ر كراوه.
بارسا له هه‌ژماری تایبه‌تی خۆی له تویته‌ر ئاماژه‌ی بۆ ئه‌وه كردووه كه ئه‌لكاسێر ئێستا په‌یوه‌ندی به مه‌شق و راهێنانه‌كانی هه‌ڵبژارده‌ی ئیسپانیا كردووه و له‌گه‌ڵ گه‌ڕانه‌وه‌ی بۆ یانه‌كه به میدیاكان ده‌ناسێندرێت.
پاكۆ ئه‌لكاسێر، له تیپی تازه‌پێگه‌یشتووانی ڤالێنسیا پێگه‌یشتووه، هاوشان له‌گه‌ڵ ئه‌ندرێ گۆمێز ده‌بێته دووه‌مین یاریزان كه له گواستنه‌وه‌ی ئه‌م هاوینه په‌یوه‌ندی بارسێلۆنا ده‌كه‌ن.