بە فەرمانی مەسرور بارزانی پرۆژەیەکی ستراتیجی لە هەولێر جێبەجێ دەکرێت

بە فەرمانی مەسرور بارزانی، سەرۆکی حکوومەتی هەرێمی کوردستان پڕۆژەی ستراتیجیی دروستکردن و نۆژەنکردنەوەی ڕێگەی سەرەکیی گەزنە و بەستنەوەی بە شەقامی سەرەکیی 120مەتری و شەقامی سەرەکیی 150مەتری هەولێر دەستی پێ کرد و ئێستا کارکردن بەشێوەیەکی خێرا تێیدا بەردەوامە.

شەممە 13ـی تەممووزی 2024، وەزارەتی شارەوانی و گەشتوگوزار بڵاوی کردووەتەوە، سەرۆکایەتیی شارەوانیی هەولێر ئاگەداری هاووڵاتییان و شوفێران دەکاتەوە، بەهۆی کارکردن لە شەقامەکە، لە ڕێگەی چەندین هێمای ئاگەدارکردنەوە و دانانی بەردی کۆنکرێتییەوە، بەشێک لە ڕێگەی چوونە ناو گەزنە داخراوە، بۆ ئەم مەبەستە دەتوانن ڕێگەی هەولێر - بەحرکە بۆ گەیشتن بە شەقامەکانی  150مەتری و 120مەتری و گوندی گەزنە بەکار بهێنن.