دیانا كارزۆن خاكی شیرین پێشكه‌ش به‌ كوردستان ده‌كات

https://k24mediaservice.streaming.mediaservices.windows.net/b1b8d1af-ad7f-440e-b470-69002de1acb3/DIANA%20KARZON.ism/manifest

K24 - هه‌ولێر:

ديانا كارزۆن له‌ په‌خشی راسته‌وخۆدا له‌ كه‌ناڵی عه‌ره‌بیدا ئاشكرایكرد، كه‌ نوێترین كاری هونه‌ری خۆی گۆرانییه‌كه‌ به‌ زمانی كوردی.

كارزۆن ئاشكراشیكرد، گۆرانییه‌ نوێیه‌كه‌ی به‌ناوی "خاكی شیرین"ه‌ و ئاواز و هۆنراوه‌ی له‌لایه‌ن هه‌ڵكه‌وت زاهیره‌وه‌ دانراوه‌.

ئه‌و هونه‌رمه‌نده‌ ئاشكراشيكرد، دایكی ئه‌و به‌ ره‌گه‌ز كورده‌ و بۆیه‌ پێی خۆشبووه‌ گۆرانییه‌ك به‌ زمانی دایكی بچڕێت.

ديانا محه‌مه‌د كارزۆن، له‌ ساڵی 1983 له‌ وه‌ڵاتی كوه‌یت له‌دایكبووه‌ به‌ڵام ته‌واوی ژیانی خۆی له‌ ئه‌رده‌ن به‌سه‌ر بردووه‌ و له‌ ساڵی 2003دا، له‌ یه‌كێك له‌ به‌رنامه‌كانی پێشبڕكێی هونه‌ری، وه‌ك سوپه‌ر ستار و به‌ یه‌كه‌مه‌ی به‌رنامه‌كه‌ ده‌ستنیشان كرا.