سەرۆک بارزانی پێشوازیی لە ئەیاد عەلاوی دەکات

K24 – هەولێر:

سەرۆک بارزانی پێشوازیی لە شاندێكی حزبی ویفاقی نیشتمانی کرد و لەبارەی بارودۆخی سیاسیی عێراق پەیوەندییەکانی نێوان هەولێر و بەغدا بیروڕایان ئاڵوگۆڕ كرد.

ڕۆژی چوارشەممە، 14ـی ئابی 2024 لە سەڵاحەددین، سەرۆك مەسعود بارزانی پێشوازیی لە شاندێكی حزبی ویفاقی نیشتمانی بە سەرۆكایەتیی ئەیاد عەلاوی سكرتێری گشتیی حزبەکە كرد.

بارەگای بارزانی بڵاوی کردووەتەوە: لە دیدارەكەدا بیروڕا لەبارەی بارودۆخی سیاسیی عێراق و هەروەها ئالنگارییەكانی ناو پرۆسەی سیاسیی عێراق و پەیوەندییەكانی حكوومەتی هەرێمی كوردستان و حكوومەتی عێراقی فیدراڵ ئاڵوگۆڕ كران.