گروپێکی گۆرانیبێژی سویدی داوا لە ترەمپ دەکەن واز لە گۆرانییەکانیان بهێنێت
ڕۆژنامەی "سڤێنسکا داگبلادێت" بڵاویکردەوە، دۆناڵد ترەمپ، کاندیدی کۆمارییەکان بۆ پۆستی سەرۆکایەتی ئەمەریکا، گۆرانیی بەناوبانگەکەی "پارە، پارە، پارە"، "براوە هەموو شتێک دەبات"، لە بانگەشەیەکیدا لە شاری سانت کلاود لە ویلایەتی مینیسوتا کە زۆرترین ژمارەی دانیشتوانەکەی سویدین لە ئەمەریکا لێدەدا، سەما دەکات و دەیڵێتەوە.
هەروەها لە کەمپەینەکەدا ڤیدیۆ کلیپی ئەندامانی " ABBA " لەسەر شاشەیەکی گەورە لە گۆڕەپانی هۆکی نمایشکرا، لەگەڵ پەیامەکان داوای لە لایەنگرانی دەکرد بەخشین بکەن.
کۆمپانیای "Universal Music Publishing" کە کۆمپانیای تۆمارکردنی گروپی سویدییە، ڕایگەیاندووە، کەمپەینی ترەمپ داوای مۆڵەتی لێنەکردووە بۆ بەکارهێنانی میوزیک یان کلیپەکانی ABBA و پێویستە دەستبەجێ گرتە ڤیدیۆییەکانی چالاکییەکە لاببرێن.
گوتەبێژی کۆمپانیاکە گوتیشی: لەگەڵ ئەندامانی تیپی ABBA بۆمان دەرکەوتووە، لەو ڤیدیۆیانەی کە بڵاوکراونەتەوە مۆسیقا/ڤیدیۆی ABBA لە بۆنە و ئاهەنگەکانی ترەمپدا بەکارهێنراون.
ئاماژەیان بەوەشکرد، کۆمپانیای Universal Music Publishing AB و Polar Music International AB هیچ داواکارییەکیان وەرنەگرتووە و هیچ مۆڵەتێکیش بە ترەمپ نەدراوە.
بەپێی زانیارییەکان، یەکێک لە ئەندامانی گرووپەکە بەناوی بیۆرن ئولڤایوس، لە ڕێگەی نامەی کورتەوە بە ئاژانسی هەواڵی TT سویدی گوتووە: کۆمپانیای تۆمارکردنمان Universal دڵنیا دەبێتەوە لە لابردنی گۆرانییەکە.
بێنی ئەندەرسۆن، ئاگنێتا فاڵتسکۆگ، ئانی فراید لینگستاد و ئولڤایۆس دوایین کەس بوون کە ناڕەزایەتیان دەربڕی بەرامبەر بە بەکارهێنانی مۆسیقای هەڵمەتی هەڵبژاردنی ترەمپ لەلایەن هەڵمەتی هەڵبژاردنەکانەوە.
ڕۆژی 11ـی ئابی 2024، لای خۆیەوە سیلین دیۆن، گۆرانیبێژی کەنەدی ڕایگەیاند، بەکارهێنانی گۆرانی "My Heart Will Go On" کە لە فیلمی "تایتانیک" گوتویەتی، لە گردبوونەوەیەکی هەڵبژاردن بۆ دۆناڵد ترەمپ کاندیدی کۆمارییەکان بۆ سەرۆکایەتیی کۆماری لە مۆنتانای پایتەخت بەکارهێنراوە، لە پلاتفۆڕمی ئێکس ڕایگەیاند، ترەمپ، هیچ مۆڵەتێکی نەبووە، هەروەها بە هیچ شێوەیەک بۆی نییە ئەم گۆرانییەی من بەکاربهێنرێت و سیلین دیۆن بە هیچ شێوەیەک پشتگیریی ئەم جۆرە هەڵسوکەوتانە ناکات.
لە گردبوونەوەیەکی هەڵبژاردن بۆ سەرۆکی پێشووی ئەمەریکا لە شاری بۆزمان لە ویلایەتی مۆنتانای پایتەخت لەسەر شاشەیەکی گەورە ڤیدیۆ کلیپی گۆرانی "تایتانیک" نمایش کرا.
بڕیارە لە 5ـی تشرینی دووەمی 2024 هەڵبژاردنی سەرۆکایەتیی ئەمەریکا بەڕێوە بچێت، ڕاپرسییەکان دەری دەخەن دۆناڵد ترەمپ و کامالا هاریس دەنگەکانیان لەیەکترەوە نزیکن و چاوەڕێی ڕکابەرییەکی سەخت دەکرێت.
ABBA asked former President Donald Trump to not play its music at his rallies anymore, joining a number of other artists who have told the former president to stop playing their hits.
— Forbes (@Forbes) August 29, 2024
Read more: https://t.co/93UMdm9Jjh pic.twitter.com/Oe11Y7oHpl