سەرۆکوەزیران مەسرور بارزانی ڕێزلێنان دەبەخشێتە ژمارەیەک وەبەرهێنەر

بە ئامادەبوونی سەرۆکی حکوومەتی هەرێمی کوردستان، ڕێورەسمی ڕێزلێنان لە ژمارەیەک وەبەرهێنەر بەڕێوەدەچێت.

ئەمڕۆ چوارشەممە، 04-09-2024، کاتژمێر 14:30 خولەک، بە ئامادەبوونی مەسرور بارزانی، سەرۆکی حکوومەتی هەرێمی کوردستان، ڕێورەسمی ڕێزلێنان لە ژمارەیەک وەبەرهێنەر بەڕێوە دەچێت. 

 لە کابینەی نۆیەمی حکوومەتی هەرێمی کوردستان، 406 پڕۆژەی وەبەرهێنان مۆڵەتیان پێدراوە، کۆی سەرمایەی پڕۆژەکان 16 ملیار دۆلار بووە. کەرتی پیشەسازی بە 115 مۆڵەت زۆرترین وەبەرهێنانی تێداکراوە و کۆی سەرمایەی پڕۆژەکان سێ ملیار دۆلاری پێکهێناوە، ئەمەش لە بەرامبەر گرنگیدانی حکوومەتی هەرێمی کوردستان بە هەمەچەشنکردنی سەرچاوەکانی داهات و بەهێزکردنی ژێرخانی ئابووری.

ئێستا لە هەرێمی کوردستان، بەراورد بە ڕابردوو، کۆمپانیاکان زۆر بە ئاسانتر دەتوانن خۆیان تۆمار بکەن و پێدانی مۆڵەتی وەبەرهێنانیش زۆر بە ئاسانتر کراوە.