چەند حەشارگەیەکی تیرۆریستانی داعش لە چیای جەبەل بۆر خاپوور کران

ئۆپەراسیۆنێکی هاوبەشی ئاسایش و هەواڵگریی سەربازیی سوپای عێراق، چەند مۆڵگەیەکی داعشیان لە چیای جەبەل بۆر لە ناحیەی لەیلان خاپوور کرد.

چوارشەممە، 4ـی ئەیلوولی 2024،  بەڕێوەبەرایەتیی گشتیی ئۆپەراسیۆنەکانی ئاسایش بەهاوئاهەنگی لەگەڵ بەڕێوەبەرایەتیی هەواڵگریی سەربازیی سوپای عێراق، لە ئۆپەراسیۆنێکدا لەسەر بنەمای زانیاریی هەواڵگریی، چوار مۆڵگە و شوێنی مانەوەی تیرۆریستانیان لە چیای جەبەل بۆر لەناحیەی لەیلانی سنووری قەزای داقوق خاپوور کرد.

بەپێی زانیارییەکان، تیرۆریستان ئەم مۆڵگە و حەشارگانەیان بەکارهێنابوو  بۆ مەبەستی حەشاردانی چەندین پارچە چەک و تەقەمەنی و تی ئێن تی و ئامێری پەیوەندیکردنی بێتەل و جل و بەرگی سەربازی و خۆراک.