به ڤیدیۆ... زڵاتان به گاڵته‌وه په‌یامێك بۆ براڤۆ ده‌نێرێت
به‌ره‌به‌یانی ئه‌مڕۆ زڵاتان ئیبراهیمۆڤیچ به بڵاوكردنه‌وه‌ی ڤیدیۆیه‌كی خۆی له ئیستاگرام میدیاكانی جیهانی خرۆشاند كه تێیدا گاڵته به براڤۆ ده‌كات.
زڵاتان و هاوڕێیه‌كانی، له ئێستادا خۆیان بۆ یاری دێربی مانچێسته‌ر ئاماده ده‌كه‌ن كه بڕیاره رۆژی شه‌ممه‌ی دادێ له یاریگه‌ی ئۆڵد ترافۆرد به‌ڕێوه بچێت.
زڵاتان له ڤیدیۆیه‌كه‌دا ڕووه و كڵاودیۆ براڤۆ نووسیویه‌تی: به‌خێربێت بۆ مانچێسته‌ر، رۆژی شه‌ممه له دێربی مانچێسته‌ر ده‌تبینم و فه‌رموو ئه‌مه‌ش هه‌ندێك پێدوایستی مه‌شقكردنه ره‌نگه پێویستیت پێی هه‌بێت.
زڵاتان له گواستنه‌وه‌ی هاوینه‌ی ئه‌مساڵ به گرێبه‌ستێكی ئازاد له پاریس سانجێرمانه‌وه په‌یوه‌ندی به مانچێسته‌ر یونایتد كرد، له 3 یاریی رابردووش 3 گۆڵی تۆمار كردووه.
كڵاودیۆ براڤۆ، گۆڵپارێزی چیللی له مێركاتۆی هاوینه ریزه‌كانی بارسای به‌ره‌و مانچێسته‌ر سیتی جێهێشت و ره‌نگه به‌شداریی یاریی دێربی مانچێسته‌ر له دژی زڵاتان بكات.