سەرۆکوەزیرانی پێشووتری کوەیت کۆچی دوایی کرد
سه‌رۆكوه‌زیرانی پێشووتری كوه‌یت كۆچی دوایی كرد، ناوبراو ساڵی 2011 پۆستی سه‌رۆكوه‌زیرانی وه‌رگرتووه و تاوه‌كوو ساڵی 2019 له پۆسته‌كه‌ی به‌رده‌وام بووه.
شه‌ممه، 14ـی ئه‌یلوولی 2024، مێدیای كوه‌یت بڵاوی كرده‌وه، جابر موباره‌ك سه‌باح، سه‌رۆكوه‌زیرانی پێشووتری كوه‌یت له ته‌مه‌نی 82 ساڵیدا كۆچی دوایی كرد.
مێدیای كوه‌یت ئاماژه‌ی به‌وه كردووه، جابر موباره‌ك سه‌باح ساڵی 1942 له دایك بووه و له‌وه‌ته‌ی ساڵی 1968ـوه له پۆسته‌كانی حكوومه‌تی كوه‌یتدا بووه و چه‌ندان پۆستی باڵای هه‌بووه و به‌ڕێوه‌ی بردوون.
جابر موباره‌ك سه‌باح بۆ یه‌كه‌م پۆستی پارێزگای ئه‌حمه‌دی وه‌رگرتووه، دواتر له كابینه جیاوازه‌كاندا پۆستی وه‌زاره‌ته‌كانی كاروباری كۆمه‌ڵایه‌تی و كار، ڕاگه‌یاندن، ناوخۆ و به‌رگری وه‌رگرتووه، پاشان بووه‌ته جێگری سه‌رۆكوه‌زیران و له ساڵی 2011 بووه‌ته سه‌رۆكوه‌زیران و تاوه‌كوو ساڵی 2019 له پۆسته‌كه‌ی به‌رده‌وام بووه.