تەقینەوەیەك لە مێردین روویدا
K24 – ھەولێر
لەسەر رێگای قۆسەر- دێركی چیای لە پارێزگای مێردینی باكووری كوردستان تەقینەوەیەك روویدا، بە گوێرە زانیارییە سەرەتاییەكان 2 سەربازی توركیا كوژران و 8 دیكەش برینداربوون.
بەگوێرەی زانیاری پەیامنێرانی كوردستان24 لە باكووری كوردستان، تەقینەوەكە لەكاتێكدا روویداوە كە ئۆتۆمبێلێكی سەربازی سوپای توركیا بەو رێگایەدا دەرۆیشت، لە ئەنجامدا 2 سەرباز كوژران و 8 دیكەش برینداربوون.
دوای تەقینەوەكە بریندارەكان گواستراونەتەوە نەخۆشخانە و برینی دوو لە سەربازەكان سەختە و باری تەندروستیان نا جێگیرە.