راگهیهندراوی ئهمینداری گشتی یهكگرتوو له بارهی سهردانی شاندی باڵای ههرێم بۆ بهغدا
K24 - ههولێر:
ئهمینداری گشتی یهكگرتووی ئیسلامی كوردستان، له راگهیهندراوێكدا، باس له كۆبوونهوهكانی شاندی باڵای ههرێمی كوردستان, دهكات به سهرۆكایهتی مهسعود بارزانی، سهرۆكی ههرێمی كوردستان و كۆبوونهوهكان به چڕ و پڕ و سهركهوتوو وهسف دهكات.
له بهشێكی دیكهی راگهیهندراوهكهی، سهڵاحهدین محهمهد بههائهدین، ئهمینداری گشتی یهكگرتووی ئیسلامی، هاتووه: " له كۆبوونهوهكان ئاماژە بە مافی رەوای گەلی كوردستان كرا لەشەراكەتی حوكمرانی عێراقی فیدراڵی و مافی فیدراڵی.. ئەگەرنا هەرێم ناچاری پەنابردن بۆ رێگە چارەی دەستوری تر دەبات".
به گوێرهی راگهیهندراوهكه، دوای چهند ساڵێك دابڕان له پهیوهندییهكان، جارێكی دیكه پەیوەندیيەكانی هەرێم و بەغدا كەوتنەوە سەر سككەی سرووشتی خۆی و بەهیوای كۆتاییهێنان بە گشت گرفتەكانی مووچە و بودجە و بژێوی هاووڵاتیانی هەرێم و ئەگەرەكانی داهاتووی پاش داعش.
دهقی راگهیهندراوهكه:
راگەیاندراوێك لە نوسینگەی ئەمینداری گشتی یەكگرتووی ئیسلامی كوردستان لەبارەی سەردانی شاندی هەرێمی كوردستان بۆ بەغدا ..
نیوەرۆی رۆژی پێنج شەممە 29/9/2016 شاندێكی باڵای هەرێمی كوردستان بەسەرۆكایەتی بەرێز مەسعود بارزانی سەردانی شاری بەغدایان كرد..
لەیەكەم كۆبوونەوەدا لەگەڵ دكتۆر حەیدەر عەبادی سەرۆك وەزیرانی عێراقی فیدراڵی و باسیان لە گرنگترین كێشەكانی نێوانی هەرێم و بەغدا و تەحەدیی و ئەولەویاتەكانی ئەم قۆناغە كرد و بەڵێنی كۆتایی هێنان بە دابڕان و دەستپێكردنەوەی دایەلۆگ و گفتوگۆیان بەیەكتردا و بریاری پێك هێنانی لێژنەیەكی پسپۆری هاوبەش درا و لە نزیكترین كاتدا دەستبەكار ببێ.. جگە لەم كۆبوونەوەیەی كە بەشێكی تایبەت بوو بە ئامادەكاری و گفتوگۆ لەگەڵ پسپۆرانی سەربازی لەسەر پرۆسەی ئازادكردنی موسڵ ..
لەسەردانەكەدا زنجیرە كۆبوونەوەیەك بەجیا ئەنجامدرا لەگەڵ شاندی هەریەك لە حزبە سیاسیەكانی (حزبی دەعوە) و (بزوتنەوەی ویفاقی نیشتیمانی) و (رەوتی صەدری) و (بەرەی دیالۆگی نیشتمان)ی تەوەری كۆبوونەوەكان بریتی بوو لە گرنگی ئەم سەردانە و زەرورەتی چارەسەری كێشەكان بەحیوار و لێك تێگەیشتن ..
هەروەها ئاماژە بە مافی رەوای گەلی كوردستان كرا لەشەراكەتی حوكمرانی عێراقی فیدراڵی و مافی فیدراڵی .. ئەگەرنا هەرێم ناچاری پەنابردن بۆ رێگە چارەی دەستوری تر دەبات..
پاشان شاندەكە سەردانی سەرۆك كۆماری عێراق دكتۆر فوئاد مەعسوم یان كرد و خۆشحاڵی خۆی بە هاتنی ئەو شاندەی دەربڕی و بەڵێنی پشتگیری دا..
لە ئێوارەی ئەو رۆژەدا شاندەكە سەردانی بەرێز سەید عەمار حەكیم سەرۆكی هاوپەیمانی نیشتمانی و سەرۆكی ئەنجومەنی باڵای ئیسلامی كرد و لە كۆبوونەوەیەكی فراواندا و بە ئامادەبوونی نوێنەری لایەنە پێكهێنەرەكانی هاوپەیمانی نیشتیمانی . زۆربەی بابەتە بایەخدارەكانی قۆناغەكە باسی لێوەكرا و بریاری بەردەوامی ئەم سەردان و دیدارانە درا..
شایانی باسە سەردانەكەی شاندی هەرێمی كوردستان سەردانێكی چر و پرو ئیجابی بوو. پاش دابران و لێكترازانێكی چەند ساڵی. پەیوەندیەكانی هەرێم و بەغدا كەوتەوە سەر سككەی سروشتی خۆی و بەهیوای كۆتایی هێنان بە گشت گرفتەكانی موچە و بودجە و بژێوی هاوڵاتیانی هەرێم و ئەگەرەكانی داهاتووی پاش داعش ..
هەروها بەشداری ئەمینداری گشتی یەكگرتوو لە شاندەكەدا كاریگەری خۆی هەبوو و لە زۆربەی كۆبوونەوەكاندا بە موداخەلە و وتەكانی دڵنیایی زۆرتری دەدا بە پرۆسەی ئاشتەوایی و لێك حاڵیبوونەكان .. بەهیوای جێبەجێكردنی بەڵێنەكان ...
نوسینگەی ئەمینداری گشتی
یەكگرتووی ئیسلامی كوردستان
30ـی 9ـی 2016