خانمه‌ گۆرانیبێژێكی به‌ریتانی بۆ په‌نابه‌رانی كامپی كالێ ده‌گری

به‌ ڤیدیۆ.. لیلی ئالن: له‌ جیاتی وڵاته‌كه‌م داوای لێبوردن ده‌كه‌م

K24 - هه‌ولێر:

خانمه‌ گۆرانیبێژی به‌ریتانی، لیلی ئالن، ته‌مه‌ن 31 ساڵ، له‌ كاتی سه‌ردانیكردنی كامپی په‌نابه‌ران، له‌ دارستانی كالێ و بینینی ره‌وشی په‌نابه‌ران و دوای قسه‌كردن له‌گه‌ڵ مێردمنداڵێكی ئه‌فغانی ته‌مه‌ن 13 ساڵ، ده‌ستی به‌گریان كرد و فرمێسك له‌ چاوه‌كانی هاتنه‌خواره‌وه‌.

لیلی به‌و گه‌نجه‌ی گوت: "ئێمه‌ وڵاته‌كه‌ی ئێوه‌مان بۆردومان كرد، دواتر ئێوه‌مان راده‌ستی تاڵیبان كرد و ئێستا وامان كرد بۆ گه‌یشتن به‌ شوێنێكی ئارام، ژیانی خۆتان بخه‌نه‌ مه‌ترسییه‌وه‌".

هه‌روه‌ها گوتی: "من له‌ جیاتی وڵاته‌كه‌ی داوای لێبوردن ده‌كه‌م".

ئه‌و خانمه‌ گۆرانیبێژه‌، گوێی له‌ گه‌نجه‌ ئه‌فغانییه‌ راگرتبوو كه‌ باسی ژیانی سه‌ختی خۆی ده‌كرد و باسی له‌ چۆنیه‌تی گه‌یشتنی به‌و وڵاته‌ ده‌كرد، كه‌ چۆن به‌هۆی بارهه‌ڵگره‌كانه‌وه‌ خۆی گه‌یاندووه‌ته‌ ئه‌وێ.

به‌كارهێنه‌رانی تۆڕه‌ كۆمه‌ڵایه‌تییه‌كانیش ره‌خنه‌ له‌ لیلی ئالن ده‌گرن و بۆیان نووسیوه‌: "ئه‌و فرمێسكانه‌ تیمساحین"، ئه‌وه‌ش هێنده‌یتر نیگه‌رانیكردووه‌.

لیلی ئالن، له‌ وه‌ڵامدا ده‌ڵێت: "من باسی ره‌وشی په‌نابه‌ران ده‌كه‌م، باسی ئه‌و هه‌زار و 22 منداڵه‌ی كامپه‌كه‌ ده‌كه‌م، كه‌ هه‌فته‌ی داهاتوو له‌وێ ده‌رده‌كرێن".

خانمه‌ گۆرانیبێژێكی به‌ریتانی بۆ په‌نابه‌رانی كامپی كالێ ده‌گری
خانمه‌ گۆرانیبێژێكی به‌ریتانی بۆ په‌نابه‌رانی كامپی كالێ ده‌گری
خانمه‌ گۆرانیبێژێكی به‌ریتانی بۆ په‌نابه‌رانی كامپی كالێ ده‌گری
خانمه‌ گۆرانیبێژێكی به‌ریتانی بۆ په‌نابه‌رانی كامپی كالێ ده‌گری
خانمه‌ گۆرانیبێژێكی به‌ریتانی بۆ په‌نابه‌رانی كامپی كالێ ده‌گری
خانمه‌ گۆرانیبێژێكی به‌ریتانی بۆ په‌نابه‌رانی كامپی كالێ ده‌گری
خانمه‌ گۆرانیبێژێكی به‌ریتانی بۆ په‌نابه‌رانی كامپی كالێ ده‌گری