ئهوهی ئهمهریكا نهیكرد رووسیا ئهنجامیدا
K24 - ههولێر:
هێزی ئاسمانی رووسیا، له چهند ناوچهیهكی حهلهب، له رێگهی ههلیكۆپتهرهوه به ههزاران بڵاوكراوهیان بهسهر شارهكهدا خسته خوارهوه و داوایان له چهكدارانی ئۆپۆزیسیۆن كردووه چهكهكانییان فڕێبدهن و له شارهكه بچنه دهرهوه.
بڵاوكراوهكان كه بهههماههنگی حكوومهتی بهشار ئهسهد، سهرۆكی سووریا بووه، لهسهرییان نووسراوه، چهكهكانتان فڕێبدهن و له رێگهی راڕهوی ئارامهوه شارهكه جێبهێڵن.
بۆ ئهو مهبهستهش، ئامرازهكانی گواستنهوهیان له دوو ناوچهی حهلهب ئامادهكردووه بۆ ئهو چهكدارانهی دهیانهوێت له رێگهی ئهو راڕهوه ئارامهوه خۆیان دهرباز بكهن و بچنه دهرهوهی حهلهب.
بۆ بردنه دهرهوهی چهكدارانی ئۆپۆزیسیۆن، سووریا و رووسیا، ئاگربهستێكی كاتییان له شارهكهدا راگهیاند و دوای نزیكبوونهوهی وادهی كۆتاییهاتنیشی، ئاگربهستهكهیان بۆ ماوهی 10 كاتژمێری دیكه درێژكردهوه.