تەقینەوەیەك لە ئەدەنە روویدا
K24 – ھەولێر
تەقینەوەیەك لە نزیك باڵەخانەی پارێزگای ئەدەنە لە باشووری توركیا روویدا.
پارێزگاری ئەدەنە بە میدیاكانی راگەیاند: "لە ئەنجامی تەقینەوەكە 2 كەس گیانیان لە دەستداوە و 16 دیكەش برینداربوونە.
میدیاكانی توركیا رایانگەیاند، ژمارەیەكی زۆر لە ئەمبوڵانس گەیشتونەتە شوێنی رووداوەكە و ھێزە ئەمنییەكان لە ناوچەكەدا بڵاوەیان پێكراوە.
تا ئێستا ھیچ كەس و لایەنێك بەرپرسیاریەتی خۆی لە تەقینەوەكە رانەگەیاندووە.