دوای یارییهكانی ئهمڕۆ گۆڕانكاری گهوره بهسهر ریزبهندی خولهكهدا هات
ئێوارهی ئهمڕۆ له گهڕی شهشهمی خولی نایابی پێشمهرگهی كوردستان 3 یاری له شارهكانی كوردستان بهڕێوه چوو، یانهی زاخۆ سوودمهندی گهورهی ئهم ههفتهیه بوو.
ههندرێن ـ گاره
ئێوارهی ئهمڕۆ له ههولێری پایتهخت، یانهی گاره بووه میوانی یانهی ههندرێن، یارییهكه به یهكسانبوون به گۆڵێك بۆ ههر لایهكیان كۆتایی هات.
ئهیمهن حاجی یاریزانی یانهی گاره له خولهكی 5 یانهكهی به گۆڵێك پێشخست، دواتر له خولهكی 16 هیدایهت لهتیف ئهنجامهكهی به لێدانی سهر بۆ یانهی ههندرێن یهكسان كردهوه. یانهی گاره بووه یهكهمین یانه له مێژووی خولهكه كه 5 یاری دهستپێكی لهسهریهكی به یهكسانبوون بهكۆتا هێناوه.
ئارارات ـ سیروانی نوێ
یانهی ئارارات بۆ رووبهڕبوونهوهی سیروانی نوێ ڕوویكرده سلێمانی، گهشتهكهشی بۆ ئهم شاره خێرێكی گهورهی پێوه بوو، كاتێك دوای 4 یهكسانبوون له خولهكه توانی یهكهمین سهركهوتن له وهرزهی ئهمساڵ تۆمار بكات، كاتێك یارییهكهی به 2 گۆڵ بهرامبهر تاكه گۆڵێك بردهوه، ههردوو گۆڵهكهی ئاراراتیش له لایهن ناوهڕاستكاری یانهكه رێبین ئیسماعیل تۆمار كران، تاكه گۆڵهكهی سیروانی نوێش له لایهن هاوكار حوسێن تۆمار كرا.
كهركووك ـ زاخۆ
ئهنجامی ئهم یارییه گۆڕانكاری گهورهی له ریزبهندییهكه دروست كرد، زاخۆ توانی لوتكهی كۆمهڵهكه له كهركووك وهربگرێت، كاتێك به ئهنجامی 3 گۆڵ بهرامبهر تاكه گۆڵێك یارییهكهی له كهركووك بردهوه.
گۆڵهكانی زاخۆ له لایهن فهرهاد سهبری دوو گۆڵ و ئهمیر خان تۆمار كران، تاكه گۆڵهكهی كهركووكیش له لایهن بهرههم بههائهدین تۆمار كرا.
ریزبهندی كۆمهڵهی دووهم
1ـ زاخۆ 8 خاڵ
2ـ ههندرێن 8 خاڵ
3ـ ئارارات 7 خاڵ
4ـ كهركووك 7 خاڵ
5ـ شێروانه 6 خاڵ
6ـ گاره 5 خاڵ
7ـ سیروانی نوێ 4 خاڵ