بارزانی: ئهوهی ژێر دهستی نهبینیبێ بههای ئازادی نازانێ
سەرۆکایەتی ھەرێمی کوردستان بڵاوی کردەوە لە ھاوینەھەواری پیرمام، مەسعوود بارزانی، سەرۆکی ھەرێمی کوردستان، پێشوازی لە ژمارەیەک ژەنراڵ و سەربازی ھاوپەیمانان کرد، کە بەشێکیان لە ساڵی 1991 بەشداربوون لە پاراستنی ھەرێمی کوردستان و درووستکردنی ناوچەی ئارام.
بە پێی زانیارییەکانی کوردستان24، ئەو سیاسەتڤان و جەنراڵانە، ئاماژەیان بۆ ئەوە کردووە ئەوان لەگەڵ ئیدارەی نوێی ئەمریکا و سەرۆکی ھەڵبژێردراوی ئەمریکا ھەوڵی جدی دەدەن بۆ ئەوەی ھاوکاری زیاتری ھەرێمی کوردستان و پێشمەرگە بکات.
ژمارەیەک ژەنەڕاڵ و دیپلۆماتکاری پێشووی ئەمریکا رایدەگەیەنن ئەوان داوا لە ئیدارەی دۆناڵد تڕەمپی سەرۆکی ھەڵبژێردراوی ئەمریکا دەکەن ھاوکاریی زیاتری کوردستان بکەن، چونکە لە کوردستانەوە دەتوانن بەرژەوەندییەکانی ئەمریکا لە ناوچەکە بپارێزن.
ژمارەیەک ژەنەڕاڵ و سیاسەتمەدارانی ئەمریکا لەگەڵ مەسعود بارزانی سەرۆکی ھەرێمی کوردستان کۆبوونەوە، کە ھەندێ لەو ژەنەڕاڵانە بەبۆنەی یادی 25 ساڵەی دروستکردنی ناوچەی ئارام سەردانی کوردستانیان کردوە و ژمارەیەکیشیان زۆر لە ئیدارەی تڕەمپەوە نزیکن.
ھێنری رۆس پیرۆت جونیەر، کەسایەتی ناسراوی ئەمریکی و کوڕی سیاسەتمەداری ئەمریکی رۆس پیرۆت کە لەساڵی 1992 کاندیدی سەرۆکایەتی ئەمریکابووە، لە لێدوانێکدا بۆ کوردستان24، لەدوای کۆبوونەوەی لەگەڵ بارزانی، رایگەیاند "بارزانی یەکێکە لە مەزنترین سەرکردەکانی جیھان و کەسایەتییەکی لێھاتوو و تایبەتە".
ھێنری رۆس پیرۆت جونیەر، کەسایەتی ناسراوی ئەمریکی گوتی: "سەرۆک بارزانی یەکێکە لە مەزنترین سەرکردەکانی جیھان و کەسایەتییەکی لێھاتوو و تایبەتە، سەرۆک بارزانی کەسێکە کە گەلەکەی زۆر خۆشدەوێت و ھەموو رۆژێک بیر لەوە دەکاتەوە چۆن ژیانی خەڵکەکەی باشتر بکات و ئەو بەخۆی دەیانە ساڵە لەپێناو گەلەکەی خەباتی کردووە، ئەو بەڕاستی ئومێدییەتی کە ھەرێمەکەی ببێتە ناوچەیەکی ئارام و خۆشگوزەران و ئەوەش تاکە ئاواتی ئەوە لەژیانیدا".
ھەروەھا ئەو ژەنەڕاڵ و سیاسەتمەدارانە لەمیانەی کۆبوونەوەکەیاندا لەگەڵ سەرۆکی ھەرێمی کوردستان رایانگەیاندووە کە ئەوان لەوبڕوایەدان ئیدارەی تڕەمپ بایەخی زیاتر بە کەیسی کورد بدەن و ژەنەڕاڵێکی پێشووی ئەمریکاش دەڵێ، ھەرێمی کوردستان ئەو نموونەیە بوو کە ئەمریکا دەیویست ھەموو عێراق بەو شێوەیە بێت.
جەی گارنەر ژەنەڕاڵی خانەنشینکراوی ئەمریکی ئەوەی خستەڕوو: "لە راستیدا ئەمریکا سەرکەوتوو نەبوو، لەوەی عێراق بکاتە ناوچەیەکی دیموکراسی و ئارام، ئەمریکا کۆنتڕۆڵی عێراقی لەدەستدا و رێگەماندا ئێرانییەکان کۆنتڕۆڵی بکەن، ئەوەی ویستمان عێراق چی بەسەربێت، تەنیا لە کوردستان روویدا و ئەمریکا دەیویست ھەموو عێراق بە شێوەی کوردستان سەقامگیر و ئارام بێت، بەڵام سەرکەوتوو نەبوو".
پاشان ئەو ژەنەڕاڵە ئەمریکییانە ئەوەشیان ئاشکرا کردووە کە ژمارەیەک سیاسەتمەدار و دیپلۆماتکار لەنێو ئیدارەی تڕەمپدان کە دۆستی کوردن و ھاوسۆزن لەگەڵ پرسی سەربەخۆیی.