بوێریت هه‌یه‌ ئه‌م وه‌رزشانه‌ ئه‌نجام بده‌ی ئه‌گه‌رنا ته‌نها سه‌یری وێنه‌كان بكه‌

هه‌ر گه‌نجان ئه‌م وه‌رزشانه‌ ناكه‌ن

Kurdistan24 ‌هەولێر 17:52 2016/12/28

جیهان

K24 - هه‌ولێر:

ئه‌گه‌رچی به‌شێك له‌وانه‌ی ئه‌و وه‌رزشه‌ مه‌ترسیدارانه‌ ئه‌نجامده‌ده‌ن، سه‌رقاڵی كار و پیشه‌ی دیكه‌ن، به‌ڵام حه‌ز و خوولیایان بۆ سه‌ركێشی وایلێكردوون ئه‌و وه‌رزشانه‌ ئه‌نجامبده‌ن.

هه‌رچه‌نده‌ زۆرێك له‌وان هه‌رزه‌كارن، یان هیچ نه‌بێت له‌ هه‌ڕه‌تی گه‌نجیدان، به‌ڵام پیاوێكی ئه‌مه‌ریكی بڕیاریداوه‌ له‌ یادی سه‌د ساڵه‌ی له‌دایكبوونی، به‌ په‌ره‌شووت خۆی هه‌ڵبداته‌وه‌ خواره‌وه‌، له‌ راستیشدا ئه‌مه‌یكرد.

كلیك له‌سه‌ر وێنه‌كان بكه‌ و زانیارییه‌كان بخوێنه‌وه‌:

دوو ئه‌سپسوار به‌ناو رێڕه‌وێكی ئاگریندا ده‌ڕۆن

لویز فرانكۆ، 27 ساڵ، له‌ ریۆ دی جانیرۆی به‌رازیل، به‌ پێچه‌وانه‌وه‌ ته‌نها به‌ پێكانی خۆی هه‌ڵواسیوه‌، به‌بێ ئه‌وه‌ی هیچ پشتێن و په‌تێكی دڵنیایی به‌ستبێت.

لوك پێرۆت، زۆر له‌ نزیكه‌وه‌ وێنه‌ی ته‌قینه‌وه‌ی بوركانێك ده‌گرێت له‌ ئایسلاند.

هه‌موو شتێك پشت به‌ متمانه‌ ده‌به‌ستێت، ئیڤان سیمینۆڤ ده‌ستی هاوڕێ كچه‌كه‌ی گرتووه‌ له‌سه‌ر باڵه‌خانه‌یه‌كی به‌رزی مۆسكۆی پایته‌ختی رووسیا.

نیك هالیك، نزیكی چاڵێكی بوركانی ده‌بێته‌وه‌ له پارێزگای مالامپای ئایسلاند

هیچ كاتێك دره‌نگ نییه‌ بۆ ده‌ستپێكردنی ئه‌و كاره‌ی ده‌ته‌وێت ئه‌نجامی بده‌ی، گلێن كویڵین له‌ سان دیگۆی ئه‌مه‌ریكا، بڕیاریدا له‌ یادی سه‌د ساڵه‌ی له‌دایكبوونیدا، به‌ په‌ره‌شوت خۆی له‌ ئاسمان فڕێبداته‌ خواره‌وه‌.

شوێنێكی گونجاو نییه‌ بۆ گه‌شت و مانه‌وه‌، به‌ڵام ساموێل كۆب له‌ قه‌د ئه‌م چیایه‌ له‌گه‌ڵ هاوڕێكانی پشوو ده‌ده‌ن.

لوكاس ئیرملێره‌، بڕوانامه‌ی ماسته‌ری له‌ ئابووریدا هه‌یه‌، به‌ڵام ئه‌و ئێستا یاریزانێكی پیشه‌گه‌ری ئه‌م وه‌رزشه‌ ترسناكه‌یه، له‌ به‌رزایی 1316 پێ له‌سه‌ر ئه‌م په‌ته‌ پاڵكه‌وتووه‌.

وێنه‌ی ژیان، وێنه‌گره‌كه‌ بڕیاریداوه‌ یاری به‌ ژیانی خۆی بكات و وێنه‌یه‌كی فڕۆكه‌كه‌ زۆر له‌ نزیكه‌وه‌ بگرێت فڕۆكه‌خانه‌ی گۆستاڤ 3 له‌ سانت بارتس، ئه‌مه‌ریكا.

هه‌ڵگه‌ڕان به‌سه‌ر چیا، به‌ كه‌لێنی شاخدا، نزیكه‌ی 400 پێ به‌رزه‌.

مات بلانك، زۆر به‌ ئاسایی خۆی ده‌رخستووه‌ له‌و كاته‌ی خۆهه‌ڵدانه‌ خواره‌وه‌ له‌سه‌ر شاخێك، یۆنان.

تانكرید میلیت، به‌ په‌تێكه‌وه‌ له‌نێوان دوو باڵۆن ده‌په‌ڕێته‌وه‌، له‌ باشووری فه‌ره‌نسا، به‌ڵام له‌ به‌رزایی زیاتر له‌ 100 كه‌وته‌ خواره‌وه‌ و گیانی له‌ده‌ستدا.

ئه‌ڵیسۆن تیڵ، له‌ گڕكانێكی ناو زه‌ریا به‌ناوی كیلاوی نزیكبووه‌ته‌وه‌ له‌ هاوای.

بێن مار، له‌كاتی وه‌رزشی به‌له‌م له‌ناو رووباری ڤێرا كروز له‌ مه‌كسیك، به‌ ته‌كنیكێكی جیاواز وێنه‌كه‌ گیراوه‌.

هه‌ڵه‌ڕان به‌ تاڤگه‌یه‌كی به‌سته‌ڵه‌ك له‌ ئیتاڵیا.

وه‌رزشكردن له‌سه‌ر تاوێره‌ به‌رده‌كانی لووتكه‌ی ئه‌م شاخه‌، براگ هێرنس له‌ چیاكانی سڤۆلڤری نه‌رویج.