ھاووڵاتیانی کورد نەگەڕاونەتەوە گوڵاڵە
K24 - گوڵاڵە
لە دوای ساڵی 2003 ھاووڵاتیانی کوردی دانیشتووی شارەدێی گوڵاڵە (جەلەولا) بوونەتە قوربانی دەستی ھێرشی گرووپ و رێکخراوە تیرۆریستەکان، ئێستاش دوای دوو ساڵ تێپەربوون بەسەر رزگارکردنی ئەو شارەدێیە لە دەستی چەکدارانی داعش، تەنیا خەڵکی عەرەبی ناوچەکە گەڕاونەتەوە سەر ماڵ و حاڵیان و ھاووڵاتیانی کوردیش ھۆکاری نەگەڕانەوەیان دەخەنەروو.
ئەبو سارا ھاووڵاتیەكی کوردی خەڵكی ناحیەی گوڵاڵەیە لەبارەی نەگەرانەوەی خێزانە كوردەكان بە كوردستان24 گوت: "خەڵك كاتێك دەگەڕێتەوە پێویستی بە كارەبا و ئاو و خزمەتگوزارییەكانی دیكە ھەیە، كە ئەوانە نەبێت خەڵكی دەگەڕێنەوە ئێرە وەك سەربازگەیەك وایە، ھەروەھا خەڵك لەرووی ئەمنیشەوە ترسیان ھەیە".
فەرھاد قادر پەرلەمانتاری عێراق. لە فراكسیۆنی یەکێتی نیشتمانی کوردستان بە كورستان24 راگەیاند: "لە ماوەی رابردوودا حكوومەتی ھەرێمی كوردستان ھیچ پلانێكی نەبووە بۆ ناوچە دابڕێنراوەكان، پێویستە حكوومەت لەرووی ئەمنی و خزمەتگوزارییەوە ئەو ناوچانە ببوژێنێتەوە".