رۆنالدۆ بۆ چاوپێكه‌وتنی ته‌له‌فزیۆنێكی عه‌ره‌بی داوای 250 هه‌زار دۆلار ده‌كات
K24 – هه‌ولێر
كریستیانۆ رۆناڵدۆ ئه‌ستێره‌ی تیمی تۆپی پێی ریال مه‌درید بۆ 30 خوله‌ك چاوپێكه‌وتن له‌گه‌ڵ كه‌ناڵێكی عه‌ره‌بی داوای 250 هه‌زار دۆلار ده‌كات.
چاوپێكه‌وتنی رۆناڵدۆ له لایه‌ن راگه‌یاندكاری میسری "عمرو أديب" بۆ هه‌ر دوو كه‌ناڵی "ON E" میسری و "أبو ظبي الرياضية" ئیمارات بڵاو كرایه‌وه.
سه‌رچاوه‌یه‌ك له كه‌ناڵی ON E به "هافینگتونی عه‌ره‌بی" رایگه‌یاند رۆناڵدۆ بۆ چاوپێكه‌وتنی 30 خوله‌ك له به‌رنامه‌ی "هه‌موو رۆژانی هه‌ینی" داوای 250 هه‌زار دۆلار كرد.
رۆناڵدۆ بۆ هه‌ر خوله‌كێك 8300 دۆلاری ده‌ست كه‌وتووه، كه خاوه‌نی ته‌له‌فزیۆنه‌كه هاوسه‌ری پێشووی هه‌یفا وه‌هبییه
بواری دیكه‌ی سه‌رنجڕاكیشی ئه‌م چاوپێكه‌وتنه‌ی تایبه‌ت به ژیانی رۆناڵدۆ، پیكه‌نینی ئه‌و ئه‌ستێره‌یه، كه پێشكه‌شكاره‌كه پرسیاری سه‌رنجڕاكێش بوونی دۆناڵدۆ له لایه‌ن كچانه‌وه لێ ده‌كات.
هه‌ر له‌م چاوپێكه‌وتنه‌دا، رۆناڵدۆ هۆكاری سه‌ركه‌وتنی خۆی ئاشكرا ده‌كات.
#كرستيانو #رونالدو : لهذا السبب أنا دائما في الرقم 1#أبوظبي_الرياضية pic.twitter.com/8HRqCRqCNv
— قناة أبوظبي الرياضية (@ADSportsTV) December 30, 2016