دوو گوندی دیكە لە دەستی داعش رزگاركران
K24 – ھەولێر
ھێزەكانی سووریای دیموكرات دوو گوندی دیكەی سەر بە رەققەیان لە دەستی چەكدارانی داعش رزگاركرد.
میدیاكانی نزیك لە ھێزەكانی سووریای دیموكرات ئاشكرایان كرد ئۆپەراسیۆنی "توڕەیی فوڕات" بەردەوامە و شەڕڤانان گوندەكانی ئەبو جەدی و ئەلحسەینیان لە باشووری رەققە كۆنترۆڵكردەوە.
بە گوێرەی زانیارییەكان چەكدارانی داعش بەشێكی زۆری دەوروبەری رەققەیان بۆمبڕێژكردووە، لە ئێستادا ھێزەكانی سووریای دیموكرات ئەو شوێنانە لە مین و بۆمب پاكدەكەنەوە كە لە دەستی داعش رزگار كراون.
رۆژی 10/12/2016،ھێزەکانی سووریای دیموکرات لە ناحیەی سلووک لە رۆژھەڵاتی گرێ سپی بە فەرمی دەستپێکردنی قوناغی دووەمی ئۆپەراسیۆنەکەیان راگەیاند کە بە پشتگیری ھاوپەیمانی نێودەوڵەتی بەڕێووە دەچێت.
قۆناغی یەكەمی ئۆپەراسیۆنی "توڕەیی فورات" رۆژی 5 تشرینی دووەمی 2016 بۆ کۆنترۆڵکردنی شاری رەققە لە لایەن ھێزەکانی سوریای دیموکرات و بەشداری یەپەگە و یەپەژە دەستیپێکرد.