داعش ديل به‌ منداڵێكى سێ ساڵ ده‌كوژێت

به‌كارهێنانى منداڵ بۆ ئه‌نجامدانى تاوانى كوشتن و خۆته‌قاندنه‌وه‌ و توندوتيژى، يه‌كێكه‌ له‌ سيما دياره‌كانى داعش

K24 – هه‌ولێر:

به‌كارهێنانى منداڵ بۆ ئه‌نجامدانى تاوانى كوشتن و خۆته‌قاندنه‌وه‌ و توندوتيژى، يه‌كێكه‌ له‌ سيما دياره‌كانى داعش و له‌ نوێترين به‌رهه‌ميدا، كه‌ له‌ دێرزوورى سووريا به‌رهه‌مهاتووه‌، داعش ژماره‌يه‌ك منداڵ له‌ دنياى منداڵييان بێ به‌شده‌كات و تاوانى كوشتنيان پێ ئه‌نجام ده‌دات.

منداڵێكى سێ ساڵ له‌ شانۆى تاوانه‌كه‌دا، پێ به‌ يارييه‌كانى منداڵييدا ده‌نێت.
منداڵێكى سێ ساڵ له‌ شانۆى تاوانه‌كه‌دا، پێ به‌ يارييه‌كانى منداڵييدا ده‌نێت.

له‌ تۆماره‌ ڤيديۆييه‌ نوێيه‌كه‌يدا، داعش يه‌كێك له‌ نه‌ياره‌ به‌ ديل گيراوه‌كانى به‌ ده‌ستى منداڵێك ده‌كوژێت كه‌ ته‌مه‌نى ته‌نيا 3 ساڵه‌.

ئه‌و منداڵه‌ 3 ساڵه‌يه‌، له‌ شانۆى تاوانه‌كه‌دا به‌سه‌ر يارييه‌كانى منداڵييدا هه‌نگاو ده‌نێت و پێيان پێدا ده‌نێت و ده‌مانچه‌يه‌كى بچووكى ده‌درێته‌ ده‌ست و يه‌كێك له‌ ديله‌كانى داعش ده‌كوژێت، كه‌ به په‌رژينێكه‌وه‌ به‌‌ستراوه‌ته‌وه‌.

منداڵه‌ سێ ساڵييه‌كه‌ رووبه‌ڕووى ديله‌كه‌ وه‌ستاوه‌.
منداڵه‌ سێ ساڵييه‌كه‌ رووبه‌ڕووى ديله‌كه‌ وه‌ستاوه‌.

هه‌ر له‌و به‌رهه‌مه‌ ڤيديۆيه‌ى داعشدا، منداڵێكى كه‌مێك گه‌وره‌تر له‌ منداڵه‌ 3 ساڵييه‌كه‌ ده‌رده‌كه‌وێت و به‌ چه‌قۆ سه‌رى ديلێك ده‌بڕێت و سه‌رى له‌ جه‌سته‌ى جياده‌كاته‌وه‌.

رۆژنامه‌ى تايمزى بريتانى بڵاويكردووه‌ته‌وه‌، كه‌ ئه‌و ده‌ستگيركراوانه‌ به‌ تۆمه‌تى هاوكاريكردنى هێزه‌ كوردييه‌كان له‌ لايه‌ن داعشه‌وه‌ ده‌ستگيركراوون و داعش به‌و شێوه‌ دڕندانه‌ ده‌يانكوژێت.

منداڵه‌ سێ ساڵييه‌كه‌ ته‌قه‌ له‌ ديله‌كه‌ ده‌كات.
منداڵه‌ سێ ساڵييه‌كه‌ ته‌قه‌ له‌ ديله‌كه‌ ده‌كات.

پێشتريش، داعش له‌ چه‌ند به‌رهه‌مێكى ڤيديۆييدا منداڵانى بۆ ئه‌نجامدانى تاوانى كوشتنى نه‌يار و ديله‌كانى به‌كارهێناوه‌.

داعش هه‌موو شتێكى دنياى منداڵانى زه‌وت كردووه‌
داعش هه‌موو شتێكى دنياى منداڵانى زه‌وت كردووه‌

بێبه‌شكردنى منداڵان له‌ دنياى منداڵى و به‌كارهێنانيان وه‌ك خۆكوژ و ئه‌نجامده‌رى تاوان بووه‌ته‌ يه‌كێك له‌ سيماكانى داعش و هه‌ر له‌و پێناوه‌شدا له‌ ساته‌وه‌ختى داگيركردنى مووسڵ و ناوچه‌كانى ديكه‌ى عێراق و سووريا، داعش چه‌ندين سه‌ربازگه‌ى تايبه‌تى بۆ راهێنانى منداڵان و پێگه‌ياندنيان به‌ بيروباوه‌ڕى توندڕه‌وى و كوشتن و تاوان كردووه‌ته‌وه‌.

منداڵه‌كه‌ هێشتا زمانى پاك نه‌بووه‌ته‌وه‌، فێريان كردووه‌ درووشم بڵێته‌وه‌
منداڵه‌كه‌ هێشتا زمانى پاك نه‌بووه‌ته‌وه‌، فێريان كردووه‌ درووشم بڵێته‌وه‌

و:ئ.ر