دادگایەكی توركیا داوای 142 ساڵ زیندانیكردن بۆ دەمیرتاش دەكات
K24 - ھەولێر
دادگایەكی توركیا لە شاری ئامەدی باكووری كوردستان داوای سزای 142 ساڵ زیندانیكردن بۆ سهڵاحهدین دهمیرتاش هاوسهرۆكی گشتی ههدهپه دەكات.
دانیشتنیكی دیكەی دادگاییكردنی دەمیرتاش و سری سورەیا ئۆندەر بە ئامادەبوونی ژمارەیەك پەرلەمانتاری ھەدەپە و جێگری سەرۆكی پەرلەمانی توركیا پەروین بولدان بەڕێوەچوو.
دادگا پاش ئەوەی دەمیرتاش بەرگری لە خۆی كرد، داوای 142 ساڵی زیندانیكردنی كرد و دادگایەكی دیكەش داوای 85 ساڵ سزای زیندانیكردن بۆ فیگەن یۆكسهكداغ دەكات.
رۆژی 4/11/2016 سهڵاحهددین دهمیرتاش و فیگەن یوكسوكداغ هاوسهرۆكی ههدهپه لەلایەن هێزە ئەمنییەكانی توركیا دەستگیركران و دەمیرتاش بۆ بهندیخانهی شاری ئەدیرنە گواسترایهوە و تا ئێستا چەندین دانیشتنی دادگاكردنەكەی بەڕێوەچووە و لە داواترینیان داوای 142 ساڵ زیندانیكرنی كرا.
دەمیرتاش لە كاتی بەرگری لە خۆی رایگەیاند ھەڵگرتنی پارێزبەندی لە سەر بڕیاری ئەردۆغان بووە و ئەگەر دادوەر بڕیاری گرتنی منی نەیدابا، ئەوا بۆ خۆی دەگیرا.
دانیشتنی دادگا بۆ رۆژی 7 نیسانی داھاتوو دوا خرا.
JS