توركیا: رێگە نادەین یەپەگە بەشداری لە دانوستانەكانی ئاستانا بكات
K24 - ھەولێر
وەزیری دەرەوی توركیا مەولوود چاوشئۆغلو رایگەیاند ریگە بە بەشداریكردنی یەپەگە لە دانوستانەكانی ئاستانا نادەین.
دانوستانەكانی ئاستانا بە دەستپێشخەری روسیا لە نێوان رژێمی سوریا و ئۆپۆزسیۆنی ئەو وڵاتە بەڕێوە دەچێت، كە بە ھاماھەنگی مۆسكۆ و ئەنقەرە رێكخراوە.
چاوشئۆغلو ھەر لەمبارەوە گوتی بۆ بەشداریكردنی ئەمریكا لەگەڵ روسیا ھاوڕان، كە ھەر یەك لە نەتەوە یەكگرتووەكان، توركیا، روسیا، ئێران و ئەمریكا بەشداری لە دانوستانەكانی ئاستانا دەكەن.
پێشتر ئێران دژایەتی خۆی بەرامبەر بەشداریكردنی ئەمریكا لە دانوستانەكانی ئاستانا پیشاندا، كە روسیا داوا لە تیمەكەی ترەمپ كردووە بەشداری لە دانوستانەكانی ئاستانا بكات و بڕیارە رۆژی 20 ئەم مانگە سوێندی یاسایی بخوات و بە فەرمی ببێتە سەرۆكی ئەمریكا و شوێنی ئۆباما بگرێتەوە.
بڕیارە دانوستانەكانی ئاستانا رۆژی 23 ئەم مانگە لە شاری ئاستانای پایتەختی قەزاقستان (كازاخستان) بەڕێوە بچێت.
JS