داعش دوو تاوەری كارەبای لە سنووری جەلەولا تەقاندەوە
K24 - گەرمیان
ھەرێم جاف پەیامنێری كوردستان24 لە گەرمیان رایگەیاند: "بەرەبەیانی ئەمڕۆ چەكدارانی داعش لە گوندی نەقشبەندی سەر بە ناحیەی گوڵاڵە (جەلەولا) دوو تاوەری كارەبایان تەقاندەوە بەوھۆیەوە كارەبای چەندین گوند و ھەردوو ناحیەی نەقشبەندی و جەلەولا پچڕاوە".
رەحیم عەزیز سەرۆكی لیژنەی ئەمنی ناحیەی قەرەتەپە بە كوردستان24 گوت: "ئەمە سێیەمین جارە چەكدارانی داعش لە ناوچەكە پەنا دەبەنە بەر تەقاندنەوەی تاوەرەكانی كارەبا".
روونیكردەوە: "داعش لە رێگەی بۆمبەوە تاوەرەكانی كارەبای ناوچەكەی تەقاندووەتەوە، بەو ھۆیەوە زیاتر لە 80 گوند و ھەردوو ناحیەی قەرەتەپە و جەلەولا بێ كارەبا بوونە".