رووسیا ئۆپەراسیۆنێكی ھاوبەش لەگەڵ توركیا ئەنجام دەدات

K24 - ھەولێر

وەزارەتی بەرگری روسیا رایگەیاند ئۆپەراسیۆنێكی ھاوبەشیان لەگەڵ توركیا ئەنجامداوە و پێكەوە ھێرشیان كردووەتە سەر چەكدارانی داعش لە ناوچەی "باب".

گوتیشی فڕۆكەكانی روسیا لە جورەكانی SU-24M و SU-35S و فڕۆكەكانی توركیاش لە جورەكانی F-16  و  F-4 بەشداری ئۆپەراسیۆنەكە بوون.

بەپێی ھەواڵێكی Interfax، ئۆپەراسیۆنی ھاوبەشی روسیا و توركیا دژی داعش پاش ھەماھەنگی ھەواڵگری ھات و پێشتریش رۆژانی 18 و 21 كانوونی دووەم ئۆپەراسیۆنی ھاوشێوەیان ئەنجامدابوو.

لە لایەكی ترەوە سوپای توركیا بێ ئەوەی ئاماژە بە ئۆپەراسیۆنی ھاوبەش لەگەڵ روسیا بكات رایگەیاند بە فڕۆكە ھێرشیان كردووەتە سەر چەندین پێگەی داعش و 23 چەكداریشیان كوشتووە.

JS