نۆكیا مۆبایلە ناسراوەكەی دەخاتەوە بازاڕ

K24 - ھەولێر

كۆمپانیای نۆكیا مۆبایلە ناسراوەكەی 3310 بە ڤێرژنێكی نوێ دەخاتە بازاڕ و لە  كۆنگرەی ساڵانەی مۆبایل لە شاری بارسیلۆن لە ئیسپانیا  لە كۆتاییەكانی ئەم مانگە نمایش دەكات.

ئەم مۆدێلەی مۆبایلی نۆكیا یەكەمجار لە ساڵی 2000  خرایە بازاڕ، كە ھێشتا بە ھێزی ماوەتەوە و  لە وانەیە بە خۆشەویسترین مۆبایل و بە زۆرترین نەرمی نواندن لە مێژووی مۆبایل ناسراو بێت و شەحنی باترییەكەشی زۆر بە كەمی دادەبەزێت.

بە پێی ھەواڵێكی independent مۆبایلی نوێی نۆكیا لە جوری 3310 بە 59 یۆرۆ دەفرۆشرێت و كڕینیشی بیرھێنانەوەیەك دەبێت بۆ ئەو كەسانەی یەكەمجار ئەم مۆبایلەیان لە دەوروباری خۆیان دیوە.

مۆبایلی كۆنی نۆكیا 3310 لە بازاڕ و ئامازۆن بۆ كڕین ھەیە، بەڵام لە خودی كۆمپانیا بەدەست ناكەوێت.

لە لیستی ئامازۆن ھەندێ تایبەتمەندی وەك كاتژمێر، ژمێر و بیرھێنانەوە و چوار یاری سینك2، پاریس2، سپەیس ئێمپەكت و بانتۆمی وەك مواسفاتی مۆبایلەكە دیاریكراوە.

نۆكیا ھەوڵی ھێنانی ماركی خۆی بۆ جیھانی مۆبایلە ھۆشمەندەكان دەدات و كۆتایی بە فڕۆشتنی مۆبایلەكانی لە چوارچیوەی مایكرۆسۆفت دەھێنێت و ئامانجیشی بەرھەمھێنانی ڤیرژنی نوێی مۆبایلە كۆنەكانییەتی، وەك نۆكیا 215.

مۆبایلەكانی نۆكیا ئێستا لە ژێر ماركی خودی نۆكیا لە لایەن كۆمپانیای فینلەندی گلۆبال HMD بەرھەم دەھێنرێن و ھەوڵی خستنەڕووی مۆبایلی نۆكیای 3 و 5 و 6 لە كۆنگرەی ساڵانەی مۆبایل دەدات.

پێشتر كوردستان24 ھەواڵێكی میدیاكانی بریتانی بڵاو كردەوە كە ھاووڵاتییەك 17 ساڵە مۆبایلی نۆكیا "3310"ی  پێییە و بە ھیچ شێوەیەك ئامادە نییە وازی لێ بێنێت.

كۆمپانیای مایكرۆسۆفت له‌ ساڵی 2013  به‌ بڕی 7 ملیار دۆلار كۆمپانیای نۆكیای كڕی و ئێستا خاوه‌ندارێتی ئه‌و كۆمپانیا فینله‌ندییه‌ ده‌كات.

ئاستی فرۆشی مۆبایلی نۆكیا لە ساڵی 2007 بە ھۆی دەركەوتنی مۆبایلی ئایفۆن كەم بووەوە  و له‌ ساڵی 2011 دووچاری قه‌یرانێكی سه‌خت بوو و لە ساڵی 2014  ناچاربوو به‌رهه‌مهێنانی مۆبایلە هۆشمه‌ندەكانی رابگرێت.

JS