بارزانی و نوێنهری تایبهتی سكرتێری گشتی نهتهوه یهكگرتووهكان باسی دوای نهمانی داعش دهكهن
K24 - ههولێر:
مهسعود بارزانی سهرۆكی ههرێمی كوردستان، لهگهڵ جان كۆبیس نوێنهری تایبهتی سكرتێری گشتی نهتهوه یهكگرتووهكان لەبارەی قۆناغی دوای نهمانی داعش و ئاستهنگهكانی ئەو قۆناغە و ڕۆڵی پێكهاتەكان و حكومەتی عێراقی و حكومەتی هەرێم گفتوگۆیان كردووه.
نوێنەری تایبەتی سكرتێری گشتیی ڕێكخراوی نەتەوە یەكگرتووەكان، بەبۆنەی سەرکەوتنەکانی هێزی پێشمەرگەو تێکشکاندنی تیرۆیستانی داعش و جهژنی نهتهوهیی نهورۆ، پیرۆزبایی لە بارزانی و خەڵکی کوردستان کردووه.
لە دیدارەکەدا گفتوگۆ دهربارهی قۆناغەكانی ئۆپەراسیۆنی ئازادكردنی موسڵ كراوه و هەردولا بیروبۆچوونی خۆیان لەبارەی قۆناغی دوای داعش و تەحەدیاتی ئەو قۆناغە خستووهتهڕوو.
هەروەها دابینكردنی ئاساییش و چۆنییەتی بەڕێوەبردنی پارێزگای نەینەوا تهوهرێكی دیكهی گفتوگۆكان بووهو شاندهكه ئامادەیی ڕێکخراوی نەتەوە یەکگرتووەکانی بۆ پێشکەشکردنی هاوکاری دەربڕیووه.
شاندی نهتهوه یهكگرتووهكان، هەماهەنگیی نێوان هێزی پێشمەرگە و سوپای عێراقی لە ئۆپەراسیۆنی ئازادکردنی مووسڵ بەرز نرخاندووه و بە هۆکاری سەرەکیی سەرکەوتنی ئۆپەراسیۆنەکەی لەقەڵەم داو بەردەوامبوونی ئەو هەماهەنگییەشیان بە پێویست زانیووه.
ههروهها دهرباری پەیوەندییەكانی نێوان هەرێم و بەغدا و بارودۆخی ئەمنی و سیاسیی ناوچەكەش قسهكراوه.