ئەمریکا: پەکەکە هیچ رۆڵێکی لە شنگال نییە
K24 - ھەولێر
وەزارەتی دەرەوەی ئەمریکا دووپاتی دەکاتەوە، پەکەکە هیچ رۆڵێکی نییە لە شنگال و جارێکی دیکە جەخت لەسەر ئەوە دەکاتەوە کە پەکەکە لای ئەمریکا رێکخراوێکی تیرۆریستە.
مارك تۆنەر، گوتەبێژی وەزارەتی دەرەوەی ئەمریکا، لە کۆنگرەیەکی رۆژنامەوانیدا لە واشنتن گوتی: "واشنتن بەردەوام لەهەوڵدایە لەگەڵ حکوومەتی هەرێمی کوردستان و حکومەتی عێراقی تا دۆخی ناوچە تازە رزگارکراوەکانی دەوروبەری مووسڵ سەقامگیر بکەنەوە".