كەشناسی باری كەشو ھەوای راگەیاند
K24 - ھەولێر
بەڕێوەبەرایەتی كەشناسی و بومەلەرزەزانی ھەرێمی كوردستان، باری كەشوھەوای ئەمڕۆ و سبەی بڵاوكردەوە، بەگوێرەی پێشبینیەكانی كەشناسی ئەمڕۆ ئاسمانی زۆربەی شارەكانی ھەرێمی كوردستان ھەور دەبێت و لە سەنتەری شارەكان نمە باران دەبارێ و لە ناوچە شاخاوییەكان باران دەبێت و ئەگەری بەفربارین ھەیە.
لەبارەی كەشوھەوای سبەی كەشناسی ئاشكرای دەكات، سبەی ئاسمانی شارەكانی ھەولێر و سلێمانی و دھۆك نیمچە ھەور دەبێت و ئەگەری بارینی نمە باران لە ناوچە شاخاوییەكان ھەیە.
