ئه‌مڕۆی شوێنی هێرشه‌كه‌ی له‌نده‌ن به‌ وێنه‌ ببینه‌

K24 - هه‌ولێر:

دوێنێ چوارشه‌ممه‌، كه‌سێك به‌خۆی و ئۆتۆمبێله‌كه‌ی، له‌سه‌ر پردی وێست مینیسته‌ری به‌ریتانیا و نزیك په‌رله‌مانی ئه‌و وڵاته‌، چه‌ند كه‌سێكی شێلا و دواتریش به‌ چه‌قۆ هێرشی كرده‌ سه‌ر پۆلیسێك.

به‌ گوێره‌ی ئاماری فه‌رمی پۆلیسی ئه‌و وڵاته‌، له‌ رووداوه‌كه‌دا چوار كه‌س كوژران و ئه‌نجامده‌ری هێرشه‌كه‌ش، له‌لایه‌ن پۆلیسه‌وه‌ كوژراوه‌.

پۆلیسی له‌نده‌ن ئه‌مڕۆ ناسنامه‌ی ئه‌نجامده‌ری هێرشه‌كه‌ ئاشكرا كرد و رایگه‌یاند، ئه‌نجامده‌ره‌كه‌ ناوی خالید مه‌سعوده‌ و 52 ساڵانه‌.

به‌ گوێره‌ی راگه‌یه‌ندراوه‌كه‌ی پۆلیس، ئه‌و پیاوه‌ له‌ دایكبووی شاری كێنتی باشووری ئینگلته‌رایه‌ و رێكخراوی داعشیش رایگه‌یاند، خالید "سه‌ربازێكی" رێكخراوه‌كه‌یان بووه‌.