سەفەری حەجی ئەمساڵ بە دۆلارە
K24 - ھەولێر
لە راگەیەندراوێكدا بهڕێوهبهرایهتی گشتی حهج و عومرهی ھەرێمی كوردستان، بڕی پارەی سەفەری حەج دیار دەكات و رایدەگەیەنێت، پارەدانیش تەنھا بە دۆلاری ئەمریكی دەبێت.
لە راگەیەندراوەكەدا ھاتووە: "ئاگاداری هاووڵاتیانی خۆشهویست دهكهینهوه ئهوانهی كه ناویان دهرچووه بۆ ئهنجامدانی سهفهری حهجی ئهمساڵ 2017 كهوا بڕی پارهی تێچوو بۆ ههر حاجییهك (3650$) سێ ههزار و شهش سهد و پهنجا دۆلاری ئهمریكی دهبێت".
روونكراوەتەوە: " ئهم پاره دانهش تهنها به دراوی ئهمریكی دهبێت و له ئایندهیهكی نزیكدا له رێكهوتی پارهدانهكه ئاگادارتان دهكهینهوه".
ئەمە لە كاتێكدایە لە چەند رۆژی رابردوودا بهڕێوهبهرایهتی گشتی حهج و عومره ناوی ئەو كەسانەی بڵاوكردەوە كە لە تیروپشك ناویان بۆ سەفەری حەج دەرچووە.