ئاڵای كوردستان لەسەر دامەزراوەیەكی بەریتانیا ھەڵكرا

K24 - ھەولێر

لە قوتابخانەی Strand The Green كە یەكێكە لە قوتابخانە دێرینەكانی لەندەنی پایتەختی بەریتانیا لەسەر داوای دوو قوتابی كورد ئاڵای كوردستان ھەڵكرا.

كەیل و كارساز دوو قوتابی كوردن لە لەندەن، بەبۆنەی جەژنی نەورۆز داوایان لە ئیدارەی قوتابخانەكە كردووە كە ئاڵای كوردستان ھەڵبكرێت، ئیدارەكە قوتابخانەی Strand The Green داوای ھەردوو قوتابییە كوردەكەی قبووڵ كردووە و ئاڵای كوردستانیان لەسەر قوتابخانەكە ھەڵكردووە.

ھاموون مەجید باوكی كەیل و كارساز رایگەیاند: "بەبۆنەی جەژنی نەورۆز ھەردوو كوڕەكەم داوای ھەڵكردنی ئاڵایان لە ئیدارەی قوتابخانەكە كرد و داواكەیان قبووڵ كرا".

گوتیشی: "دوای قبووڵ كردنی داواكە لە مەراسیمێكدا ئاڵای كوردستان لەسەر قوتابخانەكە ھەڵكرا و ماوەی سێ رۆژ ئاڵای كوردستان لەسەر قوتابخانەكە مایەوە، ئەمەش بۆ یەكەمجارە ئاڵای كوردستان لەسەر دامەزراوەیەكی بەریتانیا ھەڵبكرێت.

سەرچاوە: خەبات