چه‌ندان ئه‌ستێره‌ی گه‌وره‌ هه‌ڕه‌شه‌ی به‌شدارینه‌كردنیان له‌ مۆندیال له‌سه‌ره‌

مێسی و كریستیانۆ له‌ ڕێزی ئه‌م یاریزانان

هه‌ڵبژارده‌ی به‌رازیل به‌ سه‌ركردایه‌تی نێیمار بووه‌ یه‌كه‌مین وڵات كه‌ بلیتی گه‌یشتنی مۆندیالی 2018ـی رووسیای بڕی، له‌ به‌رامبه‌ر ئه‌وه‌شدا چه‌ندان ئه‌ستێره‌ی گه‌وره‌ چاره‌نووسیان له‌ گه‌یشتن به‌ مۆندیالی داهاتوو نادیاره‌.

1ـ لیۆنێل مێسی، كاپتنی هه‌ڵبژارده‌ی تانگۆ له‌ 4 یاری داهاتووی هه‌ڵبژارده‌كه‌ی سڕ كراوه‌، هه‌ڵبه‌ت ئارجێنتیاش به‌ كۆكردنه‌وه‌ی 22 خاڵ پله‌ی پێنجه‌می گرتووه و مه‌ترسی سه‌رنه‌كه‌وتنی بۆ مۆندیال له‌سه‌ره‌

لیۆنێل مێسی كاپتنی تانگۆ هاوشانی پاوڵۆ دیبالا
لیۆنێل مێسی كاپتنی تانگۆ هاوشانی پاوڵۆ دیبالا

 2ـ كریستیانۆ رۆناڵدۆ، كاپتنی هه‌ڵبژارده‌ی پورتوگال، ئه‌گه‌رچی له‌ پاڵاوتنه‌كانی ئه‌ورووپا پله‌ی دووه‌می كۆمه‌ڵه‌كه‌یان گرتووه‌، به‌ڵام هێشتا نه‌یتوانیوه‌ بلیتی گه‌یشتنی مۆندیال مسۆگه‌ر بكه‌ن.

كریستیانۆ رۆناڵدۆ كاپتنی هه‌ڵبژارده‌ی پورتوگال
كریستیانۆ رۆناڵدۆ كاپتنی هه‌ڵبژارده‌ی پورتوگال

 3ـ ئاریان رۆبن، ئه‌ستێره‌ی یانه‌ی بایرن میونشن و هه‌ڵبژارده‌ی هۆڵه‌ندا، له‌گه‌ڵ وڵاته‌كه‌ی له‌ بارودۆخێكی خراپدایه‌ و هیوایه‌كی لاوازیان بۆ گه‌یشتن به‌ مۆندیال ماوه‌.

ئاریان رۆبن، هێرشبه‌ری یانه‌ی بایرن میونشن و هه‌ڵبژارده‌ی هۆڵه‌ندا
ئاریان رۆبن، هێرشبه‌ری یانه‌ی بایرن میونشن و هه‌ڵبژارده‌ی هۆڵه‌ندا

4ـ گاریس به‌یل، ئه‌ستێره‌ی وێڵزی یانه‌ی ریال مه‌درید له‌گه‌ڵ هه‌ڵبژارده‌كه‌ی له‌ پاڵاوتنه‌كانی ئه‌ورووپا پله‌ی سێیه‌می كۆمه‌ڵه‌كه‌یان گرتووه‌، ئه‌گه‌ر له‌م خانه‌یه‌ بمێننه‌وه‌، ئه‌وا ده‌بێت گاریس به‌یل له‌ تیڤی سه‌یری یارییه‌كانی مۆندیالی داهاتوو بكات.

گاریس به‌یل ئه‌ستێره‌ی وێڵزی یانه‌ی ریال مه‌درید
گاریس به‌یل ئه‌ستێره‌ی وێڵزی یانه‌ی ریال مه‌درید