تا ئێستا پاكسازى له ليستى شه‌هيداندا نه‌كراوه
K24 – هه‌ولێر:
به‌رپرسانى وه‌زاره‌تى كاروبارى شه‌هيد و ئه‌نفالكراوانى هه‌رێمى كوردستان، كه بيناى وه‌زاره‌ته‌كه‌يان تابڵۆى له‌سه‌ر نييه، رايده‌گه‌يه‌نن، زياتر له 70 هه‌زار كه‌س به شه‌هيد هه‌ژماركراوون و تا ئێستا نه‌توانراوه پاكسازى له ليسته‌كه‌دا بكرێت.
به گوێره‌ى زانيارى به‌رپرسانى وه‌زاره‌ته‌كه، ئه‌نجامدانى چاكسازى له‌و ليسته‌دا پێويستى به بڕيارێكى سياسييه و له تواناى وه‌زاره‌تدا نييه به ته‌نيا ئه‌و پرۆژه‌يه ئه‌نجام بدات.
يه‌كێك له به‌رپرسانى وه‌زاره‌ته‌كه، نايشارێته‌وه، كه كه‌سانێك به هۆى رووداوى هاتوچۆ گيانيان له‌ده‌ستدا به شه‌هيد هه‌ژمار كراوون.