ھێرشێكی داعش تێكشكا و چەندین تەرم لە بەرەكانی شەڕ جێماون
K24 - ھەولێر
شەوی رابردوو چەكدارانی داعش لە سنووری شەرگات ھێرشیان كردە سەر سوپای عێراق و ھێرشەكەیان تێكشكێنراو چەندین تەرمی چەكدارانی داعش لەبەرەكانی شەڕ جێماون.
حەمید دزەیی سەرباز لە ھێزەكانی عێراق لەبەرەكانی شەڕ بە كوردستان24 گوت: "كاتژمێر 12 شەوی رابردوو داعش لە گوندی گەنعوسی سەر بە شارۆچكەی شەرگات، ھێرشی كردەسەر فەوجی 3 لیوای 91 سوپای عێراق، زۆربەیان خۆكوژ بوون و خۆیان تەقاندەوە".
گوتیشی: "دوای 45 خولەك ھێرشەكەی داعش تێكشكێنرا و چەندین تەرمیان لێ بەجێماوە".
لەبارەی زیانەكانی سوپای عێراق گوتی: "فەرماندەی فەوجی سێ بەناوی عەقید فەلاح و سەربازێكی دیكە كوژران و چوار سەربازیش بریندار بوون".