موسلیم: لەگەڵ رووسیا ئۆپەراسیۆنی ھاوبەش ئەنجام دەدەین
K24 - ھەولێر
ھاوسەرۆكی پەیەدە ئاشكرای کرد لە عەفرین لەگەڵ رووسیا ئۆپەراسیۆنی ھاوبەش ئەنجام دەدەن و داوای ناوچەی دژە فرینیش دەكات بۆ رۆژئاوای كوردستان.
ساڵح موسلیم، ھاوسەرۆكی پارتی یەكێتی دیموكرات "پەیەدە"، بە یەكێک لە ئاژانسەكانی سەر بە پەكەكەی راگەیاند، پەیوەندیمان لەگەڵ رووسیا و ئەمریكا لە چیوارچێوەی ھاوپەیمانیدایە و لە عەفرین بەردەوام دەبین لە خەباتمان دژی تیرۆر و ئۆپەراسیۆنی ھاوبەشیش ئەنجام دەدەین.
موسلیم جەختدەكاتەوە وەڵامی ھێرشەكانی توركیا دەدەینەوە و وەڵامی ھەموو ئەو ھێرشانەش دراوەتەوە كە دژمان ئەنجام دراون.
لە بەشێكی دیكەی لێدوانەكەیدا ساڵح موسلیم، رەخنە لە ھەڵوێستی ئەمریكا و رووسیا دەگرێت، بەوەی ھەڵوێستیان بەرامبەر ھێرشەكانی توركیا وەك پێویست نەبووە.