ئاماری تەواوی كرێكاران نادرێتە حكوومەت
K24 - ھەولێر
لە ھەرێمی كوردستان بەشێك لە كۆمپانیاكان و كارگەكان، ئامار و ژمارەی تەواوی كرێكارەكانیان نادەنە حكوومەت.
وەزارەتی كار و كارو باری كۆمەڵایەتیش گلەیی لە خاوەن كۆمپانیا و تەنانەت خودی كرێكارانیش دەكات، كە ناویان له سندوقی دهستهبهری كۆمهڵایهتی تۆمار ناكەن، ئهو كارهشیان وهك خۆ دزینهوه له باج ناودهبات.
لە بەرامبەردا خاوەن كۆمپانیایەك، حكوومهت به كهمتهرخەم دهزانێت و دهڵێت، حكوومەت تەنیا ناو تۆمار دەكات و تاوەكو ئێستا سەردانی نەكردوون بۆ ئەوەی لە رووی تەندروستی و دابینكردنی كۆمەڵێك ماف، بهدواداچوون بكات.