جێریمی كۆربین: لە سەد ساڵی رابردوودا ستەمێكی زۆر لە كورد كراوە
K24 - ھەولێر
جێریمی كۆربین، سەرۆکی پارتی كرێكارانی بەریتانیا، لە میانی بەشداری لە سیمینارێكی كاروباری دەرەوەی چێتام ھاوس لە لەندەن، گوتی، ناكرێت لە رۆژھەڵاتی ناوەڕاست و لەم سەردەمەی گۆڕانكارییەكان ھیچ چارەسێك بە بێ كورد پێشنیاز بكرێت.
ئەوەشی دووپات كردەوە، كە رەتكردنەوەی ناسنامە و مافی كوردان وا دەكات ئەو وڵاتانە بەردەوام لە كێشە و قەیراندا بن.
كۆربین گوتیشی، لە مێژووی سەد ساڵی رابردوودا ستەمێكی زۆر لە كورد كراوە وەک لە رێكکەوتنەكانی سێڤەر و سایكس پیكۆ رێكکەوتنەكانی دیکە روویاندا.