بە ڤیدیۆ و وێنە.. زیاتر لە 50 كەس لە تەقینەوەكەی كەرادە بوونە قوربانی
K24 - بەغدا
شەوی رابردوو تەقینەوەیەك لە ناوچەی كەڕادەی شاری بەغدا روویدا، بە گوێرەی دوایین ئامار زیاتر لە 50 كەس بوونەتە قوربانی.
سەرچاوەیەكی ئەمنی لە بەغدا ئاشكرایكرد، ژمارەی قوربانیانی تەقینەوەكەی چایخانەیەكی گۆڕەپانی حوریە لە گەڕەكی كەڕادە گەیشتە 11 كوژراو و 47 بریندار.
ھێزە ئەمنییەكانیش لێكۆڵینەوەیان لەو رووداوە دەستپێكردووە و سەرجەم رێگاكانی ئەو گەڕەكەیان داخستوون، رێكخراوی داعشیش بەرپرسیاریەتی خۆی لە تەقینەوەكە راگەیاند.