لە كەركووك ھەوڵێكی تیرۆرستی پوچەڵكرایەوە
K24 - كەركووك
شەوی رابردوو لە گەڕەكی حوزەیرانی شاری كەركووك، ھێزەكانی ئاسایش دەستیان بە سەر ئۆتۆمبێلێكی بۆمبڕێژكراو داگرت.
پەیامنێری كوردستان24 لە كەركووك رایگەیاند: "شەوی رابردوو ھێزەكانی ئاسایش لە یەكێك لە بازگەكانی گەڕەكی حوزەیران توانیان دەست بەسەر ئۆتۆمبێلێكی بۆمبڕێژكراودابگرن و ئۆتۆمبێلە بۆمبڕێژكراوەكە پوچەڵكرایەوە".
لە راگەیەندراوێكدا ئاسایشی كەركووك ئەوەی ئاشكراكردووە: "شوفێری ئۆتۆمبێلەكە ناوی (ع.م.خ) سەر بە حەشدی بەرگری لیوای 2 بەغدایە، ناسنامەی ئەو ھێزەشی پێبوو، ئۆتۆمبێلەكە لە جۆری ئۆپڵ فیكترایە".
ئاسایشی كەركووك ئاماژەی بەوەكردووە: "لە كاتی پشكنینی ئۆتۆمبێلەكە لەلایەن ھێزەكانمان، توانیویانە ئاشكرای بكەن كە ئۆتۆمبێلەكە بۆمبی تێدایە".