لە كەركووك 12 داواكراو دەستگیركران
.jpg)
K24 - كەركووك
ئەمڕۆ ھێزەكانی پۆلیسی قەزا و ناحییەكان و ئاسایشی كەركووك، 12 داواكراو و گومان لێكراویان دەستگیركرد.
لە راگەیەندراوێكدا بەڕێوەبەرایەتی پۆلیسی قەزاو ناحییەكانی كەركووك رایگەیاند: "كاتژمێر 4 بەرەبەیانی ئەمڕۆ، لە ھەڵمەتێكی گەڕان و پشكنین ھێزەكانی پۆلیس و ئاسایش توانیان 12 داواكراو و گومان لێكراو دەستگیر بكەن".
لە راگەیەندراوەكەدا ئاماژە بۆ ئەوەشكراوە: "ئەو كەسانە لەسەر زانیاری ھەواڵگری دەستگیركراون".
ئەمە لە كاتێكدایە ھێزەكانی پۆلیس و ئاسایشی كەركووك، لە ھەفتەی رابردووشدا ژمارەیەك داواكراوی دیكەیان لە شارەكە دەستگیركرد كە سەر بە داعش بوون.