به‌ فه‌رمی، ئینته‌ر میلان یاریزانێكی پێشووی ریال مه‌دریدی هێنایه‌ ریزه‌كانی

یانه‌ی ئینته‌ر میلانی ئیتاڵیا، به‌ فه‌رمی گواستنه‌وه‌ی بۆرخا ڤالێرۆی له‌ یانه‌ی فیۆرێنتیناوه‌ راگه‌یاند.

ئه‌مڕۆ سێشه‌ممه‌، 11 ته‌مووزی 2017، ئینته‌ر میلان به‌ فه‌رمی له‌سه‌ر پێگه‌ی خۆی گواستنه‌وه‌ی ناوه‌راستكاری ئیسپانی بۆرخا ڤالیرۆی به‌ گرێبه‌ستێكی 3 ساڵه‌ به‌ 7 ملیۆن یۆرۆ راگه‌یاند.

بۆرخا ڤالیرۆی ته‌مه‌ن 32 ساڵ، له‌ دایكبوونی شاری مه‌دریدی پایته‌ختی ئیسپانیایه‌، له‌ ئه‌كادیمیای تیپی تۆپی پێی یانه‌ی ریال مه‌درید پێگه‌یشتووه‌، له‌ 2005 روویكرده‌ یانه‌ی مایۆركا، پاشان یانه‌ی وێست برۆمیچ و ڤیاریالی تاقی كرده‌وه‌، له‌ 4 وه‌رزی رابردووش له‌ سێریا ئه‌ی یاری بۆ یانه‌ی فیۆرێنتینا كردووه‌.