راگەيه‌ندراوێك لە سكرتاریەتی ئەنجوومەنی باڵای ريفراندۆم
K24 – هه‌ولێر:
سكرتاريه‌تى ئه‌نجوومه‌نى باڵاى ريفراندۆم له باره‌ى هه‌ڵمه‌تى بانگه‌شه‌ى به‌ڵێ بۆ ريفراندۆمى سه‌ربه‌خۆيى راگه‌يه‌ندراوێكى بڵاوكرده‌وه، ئه‌مه‌ى خواره‌وه ده‌قه‌كه‌يه‌تى:
سكرتاریەتی ئەنجوومەنی باڵای رێفراندۆم لە راگەيه‌ندراوێكدا و بە مەبەستی زیاتر رێكخستنەوەی هەڵمەتی بانگەشەی رێفراندۆم، و پابەندبوون بە بەها نیشتیمانییەكان و رێكارە یاساییەكان، داوا لە هاووڵاتیانی كوردستان دەكات لە كاتی بانگەشەی ريفراندۆم رەچاوی ئەم خاڵانەی خوارەوە بكەن.
1.دووركەوتنەوە لە بەكارهێنانی هێما و ئاڵا و رەمزی هەر لایەنێك یان وڵاتێك جگە لە ئاڵای كوردستان.
2. دووركەوتنەوە لە بەكارهێنانی ناو و وێنەی سیمبۆل و سەركردەكان وەكو پڕوپاگه‌ندە یان بانگەشەی ريفراندۆم.
3. دووركەوتنەوە لە بێڕێزی كردن یان هێرش كردنە سەر سەركردە و ئاڵا و سیمبوڵی هەر لایەنێك یان وڵاتێك.
4. پاراستنی ئارامی شار و شارۆچكەكان، پاراستنی مولكی گشتی.
5. پاراستنی ئارامی هاووڵاتیان.
6. هاوكاری و هەماهەنگی لەگەڵ دەزگا ئەمنییەكان و پۆلیس و فەرمانگە حكومییەكان.
7. جەخت دەكەینەوە لەسەر ئازادی رادەربڕین و رێگەدان بە ئەنجامدانی چالاكی و هەڵمەت و بانگەشەی ريفراندۆم بە ئازادی و بە شێوەیەكی شارستانی و ئاشتیانە، بەپێی یاسا و رێنماییە كارپێكراوەكانی هەرێمی كوردستان، رێنماییەكانی كۆمسیۆنی باڵای سەربەخۆی هەڵبژاردن و راپرسی.
سكرتاریەتی ئەنجومەنی باڵای رێفراندۆم
13/9/2017