"شه‌ڕ له‌گه‌ڵ به‌غدا ناكه‌ین"

K24 - هه‌ولێر:

ئه‌ندامێكی ئه‌نجوومه‌نی باڵای ریفراندۆم رایده‌گه‌یه‌نێت ئه‌وان به‌هیچ شێوه‌یه‌ك رێگای شه‌ڕ له‌گه‌ڵ به‌غدا ناگرنه‌به‌ر و ده‌یانه‌وێت به‌ دیالۆگ له‌گه‌ڵ حكومه‌تی مه‌ركه‌زی بگه‌نه‌ رێككه‌وتن له‌سه‌ر سه‌ربه‌خۆیی كوردستان.

د. رۆژ نوری شاوەیس، ئه‌ندامی ئه‌نجوومه‌نی باڵای ریفراندۆم و ئه‌ندامی مه‌كته‌بی سیاسی پارتی له‌ لێدوانێكدا بۆ رۆژنامه‌ی واشنتن پۆستی ئه‌مریكی رایگه‌یاند: "كورد بیر له‌به‌كارهێنانی شه‌ڕ ناكاته‌وه‌ و ده‌یانه‌وێت به‌ دیالۆگ و رێگای ئاشتیانه‌ پرسی ریفراندۆم و سه‌ربه‌خۆیی له‌گه‌ڵ به‌غدا چاره‌سه‌ر بكه‌ن".

هه‌روه‌ها د. رۆژ نوری شاوه‌یس ئه‌وه‌شی ئاشكرا كردووه‌ كه‌ ئه‌وان ده‌یانه‌وێت پڕۆسه‌ی جیابوونه‌وه‌یان له‌ عێراق پڕۆسه‌یه‌كی ئاشتیانه‌ و هێمنانه‌ بێت.