ئه‌رمینیا: داوا له به‌غدا و هه‌ولێر ده‌كات له توندوتیژی دووركه‌ونه‌وه
K24 - هه‌ولێر:
ئەرمینیا داوا لە بەغدا و هەولێر دەکات خۆیان دووربگرن لە توندوتیژی و رایگەیاند، بەشداری چاودێریکردنی ریفراندۆمی سەربەخۆیی کوردستان بوونە.
ئیدوارد نالباندیان وەزیری دەرەوەی ئەرمینیا رایگەیاند، وەڵاتەکەی بە وردی چاودێریی بارودۆخی دوای ریفراندۆمی کوردستان دەکات و داوا لە حکومەتی ناوەندی عێراق و حکومەتی هەرێمی کوردستان دەکەن خۆیان دووربگرن لە توندوتیژی و رێگەیەکی دیالۆگ بدۆزنەوە بۆ چارەسەری کێشەکان.
وەزارەتی دەرەوەی ئەرمینیا هاوکات لە بەیاننامەیەکدا ئاماژدەی به‌وه‌کردووه "سیاسەتوانانی ئەرمینیا بەشدارییان لە پرۆسەی چاودێری ریفراندۆمی کوردستان کردووە".
لە لایەکی دیکەوە هەر یەکە لە کنیاز هاسانۆڤ و روستەم ماهمودیان پەرلەمانتارانی ئەو وڵاتە پشتگیری خۆیان بۆ ریفراندۆمی سەربەخۆیی کوردستان دووپات کردەوە.