پەیامی سەرەخۆشی سەرۆك بارزانی بۆ كهسوكارى قوربانیانی بومەلەرزەی شەوی رابردوو
K24 – ههولێر:
سهرۆك مهسعود بارزانى، به بۆنهى گيانلهدهستدانى سهدان هاووڵاتى له ئهنجامى روودانى بوومهلهرز پهيامێكى سهرهخۆشى ئاراستهى كهسوكارى قوربانييهكان كرد.
له پهيامهكهدا هاتووه: "بەم بۆنە خەمناكەوە سەرەخۆشی لە كەسوكاری قوربانیان و خەڵكی ناوچە زیانلێكەوتووەكانی بوومەلەرزەی شەوی ڕابردوو دەكەم و هیوای چاكبوونەوەی خێراش بۆ بریندارانی ئەو ڕووداوە دڵتەزێنە دەخوازم".
دهقى پهيامهكه
بەناوی خودای بەخشندە و میهرەبان
بەداخێكی زۆرەوە شەوی ڕابردوو لە ئەنجامی ڕوودانی بوومەلەرزە لە دەربەندیخان و پارێزگاكانی هەڵەبجە و كرماشان و ناوچەكانی قەسری شیرین و سەرپولی زەهاب سەدان هاووڵاتی گیانیان لەدەست دا و هەزارانی تریش بریندار بوون.
بەم بۆنە خەمناكەوە سەرەخۆشی لە كەسوكاری قوربانیان و خەڵكی ناوچە زیانلێكەوتووەكانی بوومەلەرزەی شەوی ڕابردوو دەكەم و هیوای چاكبوونەوەی خێراش بۆ بریندارانی ئەو ڕووداوە دڵتەزێنە دەخوازم. لەم كارەساتەدا خۆمان بە هاوخەمی خەڵكی لێقەوماو و زیانلێكەوتووی هەر دوو پارێزگای کرماشان و هەڵەبجە دەزانین
مسعود بارزانی
13ـی 11ـی 2017