سبەی لە دامودەزگاكانی حكومەت پشووی فەرمییە
K24 - ھەولێر
لە راگەیەندراوێكدا سەفین دزەیی، گوتەبێژی حكومەتی ھەرێمی كوردستان رایگەیاند، بە بۆنەی لە دایكبوونی پێغەمبەری ئیسلام، سبەی پێنج شەممە لە دامودەزگاكانی حكومەت پشووی فەرمییە.
لە راگەیەندراوەكەدا ھاتووە: "بەبۆنەی ساڵیادی لەدایكبوونی پێغەمبەری ئیسلام موحەمەد (دروودی خوای لەسەر بێت)، پیرۆزبایی لە موسوڵمانانی كوردستان و جیهان دەكەین و هیوادارین ئەم یادە ببێتە هاندەرێك بۆ یەكڕیزی و هاتنەدی ئاوات و خواستەكانی گەلی كوردستان".
گوتەبێژی حكومەتی ھەرێم راشیگەیاند: "بەم بۆنەیەشەوە رایدەگەیەنین، رۆژی پێنج شەممە 2017/11/30 لە دام و دەزگاكانی حكومەت دەبێتە پشووی فەرمی".