داعش گرته‌ى سووتاندنى فڕۆكه‌وانێكى سوورياى بڵاوكرده‌وه
K24 – هه‌ولێر:
رێكخراوى داعش، له گرته‌يه‌كى ڤيديۆيدا ديمه‌نى سووتاندنى فڕۆكه‌وانى سووريا (عه‌زام عيد)ـى بڵاوكرده‌وه.
عه‌زام عيد، پله‌ى رائيد بوو له هێزى ئاسمانى سووريا و له نزيك تل دكوه‌ى قه‌له‌مونى خۆرهه‌ڵات له له نيسان/ ئه‌پريلى 2016دا فڕۆكه‌كه‌ى تێكشكا و كه‌وته ده‌ست داعش و چاره‌نووسى به ناديارى مابوويه‌وه، تا دوێنێ پێنجشه‌ممه 30ى تشرينى دووه‌م/ نۆڤێمبه‌رى 2017 داعش گرته‌ى سووتاندنى بڵاوكرده‌وه.
گرته‌كه 58 خوله‌كه، تێيدا داعش ديمه‌نى شه‌ڕه‌كانى له ته‌دموور، بيابانى سينا، باديه‌ى سووريا و هه‌ندێك ناوچه‌ى عێراق ده‌خاته‌ڕوو.
هه‌روه‌ها ديمه‌نى كوشتن و سه‌ربڕينى سه‌ربازه عێراقى و سوورييه‌كانيشى بڵاوكردووه‌ته‌وه.
دواتر ديمه‌نى سووتاندنى عه‌زام عيد خراوه‌ته‌ڕوو.
پێشتريش له شوباتى 2015دا داعش فڕۆكه‌وانێكى ئه‌رده‌نى به ناوى مه‌عاز كه‌ساسبه‌ى سووتاند، كه فڕۆكه‌كه‌ى له ره‌ققه تێكشكا بوو.
داعش يقوم بنشر فيديو
— lamloma (@lamloma3) ٣٠ نوفمبر، ٢٠١٧
احراق الشهيد البطل الرائد عزام عيد يوم مولد النبي محمد صلى الله عليه وسلم بعد عام ونصف على أسره في منطقة القلمون بريف دمشق pic.twitter.com/8YS0Jn7aAu