جێگری سه‌رۆكی ئه‌مه‌ریكا: هه‌ڵه‌كانی رابردوو به‌رامبه‌ر به‌ ئێران دووباره‌ ناكه‌ینه‌وه‌

" لێناگه‌ڕێین ئه‌و به‌رگرییه‌ بكه‌وێت"

K24 - هه‌ولێر:

مایك پێنس، جێگری سه‌رۆكی ئه‌مه‌ریكا، له‌ تۆڕی كۆمه‌ڵایه‌تی تویته‌ر بڵاویكردووه‌ته‌وه‌، ئه‌وان وه‌ك سه‌رۆكایه‌تی ئه‌مه‌ریكا، هه‌ڵه‌كانی رابردوو به‌رامبه‌ر به‌ ئێران دووباره‌ ناكه‌نه‌وه‌ و پشت له‌ گه‌لی ئێران ناكه‌ن له‌ خه‌باته‌كه‌یان له‌ دژی رژێم.

مایك پێنس، له‌ زنجیره‌ تویتێكدا، هه‌ڵوێسته‌كانی ئیداره‌ی پێشووی ئه‌مه‌ریكا، به‌ "هه‌ڵه‌ و شه‌رمه‌زاری" وه‌سف كرد به‌رامبه‌ر به‌ ئێران و دووپاتی كرده‌وه‌، ئه‌و هه‌ڵانه‌ دووباره‌ نابنه‌وه‌.

پێنس له‌ تویته‌كه‌یدا ده‌ڵێت: "ئیداره‌ی پێشوو ده‌سته‌وه‌ستان مایه‌وه‌ و خه‌بات و به‌رگری گه‌لی ئێرانی پشتگوێخست له‌ دژی رژێمی سه‌ركوتكاری ئێران".

جێگری سه‌رۆكی ئه‌مه‌ریكا ئاماژه‌ی به‌وه‌شكردووه‌، هه‌وڵ و خه‌باتی ئێستالا گه‌لی ئێران له‌ دژی رژێم، هیوابه‌خشه‌ بۆ هه‌موو ئه‌و كه‌سانه‌ی بۆ ئازادی هه‌وڵده‌ده‌ن، جه‌ختیش له‌وه‌ ده‌كاته‌وه‌، لێناگه‌ڕێن و رێگه‌ناده‌ن ئه‌و به‌رگرییه‌ بكه‌وێت.

ا. م